Amorebieta-Etxanoko monumentuak

-Udaletxea

Amorebieta-Etxanon hainbat monumentu aurki ditzakegu. Zutik diraute zenbait eraikuntza aipagarrik:

-Andra Mari eliza:

Hirigunea barrukoen artean garrantzia berezia dutenekoa bat Amorebietako Andra Mari eliza dogu. Noiz eraikia den ez badakigu ere, 1441ean bazegoen, urte horretako agirietan azaltzen bait da. Herreraren estiloko eliza honek lauko-zuzendun barnea eta bost eleiz-sapai gurutzetu ditu, eta bi kapera bigarren tartearen orma-bularren artean. Kanpoaldetik zortzi zurkaitzek eusten diote, teilatu hegaletaraino heltzen diren orma-bularrez.

-Cancelada Jauregia:

Sabino Arana kalean dago, Andra Mari elizaren ondoan, XIX. mendean neoklasiko estiloan eraikia, lau solairutakoa. Diseinua apaingarri handirik gabekoa izanda ere, materialen kalitatea ikusgarria egiten du.

-Harrison Etxea:

Leonardo Rucabadok Canuto Basterrarentzat 1910ean eraikitako ingeles estiloko bizitokia.Gaur egun hotel bat da.

                     Bernagoitia auzoko monumentuak:

-Bernagoitiko gotorretxeta:

XVI. mendeko nekazal jauregitxo bat da. Harrizko hormak ditu, Sarrera nagusira mandio batetik sartzen da, erdi-puntuko arkua. Hegoaldeko fatxadan erdi-puntuko leiho ilara bat dago. Hutsune hauen azpian zurkaiztutako sarbide zabal bat dago, gaur hormatuta dagoena.

                         Boroa auzoko monumentuak:

-Boroako San-Pedro baseliza:

Oraintsu berriztatua; mendizaleek ondo ezagutzen dute bertatik abiatzen bait dira Bizkargira. Oiz eta Belatxikieta ere ederto nabarmentzen dira auzo honetatik.

                                         Etxano auzoko monumentuak:

-Etxanoko Andra Mari eliza:

XVI. mendean harlanduz egina, Gotiko-Errenazimendu garaiko estiloan. Eleizak hiru sarrera ditu, puntuerdikoak. Nagusia Egurrezko koruak osatzen du hirugarren tartea. Igeltsozko arku baten gainean eraikia, egurrezko kalostradun esku-bandak (XIX.mendekoa) inguratua. Dorreataria oinaldean goratzen da, harri mokorrez egindakoa, oin karratukoa eta hiru gorputz edo zatiz inguratua. Behekaldekoak arkupeak ditu, eta azkenengoan, hiru leihatila artean, kanpandorrea du. 

                        Larrea auzoko monumentuak:

-Larreako Komentu eliza:

1712an Juan de Larrea eta Teresa Undarra Juan-Andrearen aginduz eraikitako Karmeldarren Komentua izan zen. Barrutik apaingarri askorik gabekoa da. Koska handidun habe soilek eusten diote, eta haietatik eleiza-sapaiak gainditzen dira. Mobleria gehienbat rococo estilokoa da.

-Larreako dorrea:

Iñigo Nafarroako Erregek 887an eraikia, eta gerrate zibilean deuseztua. Eleiza ondoko parke txiki batean dago Larreatarren Etxearen Harmarria, eta berori da geratzen den aztarna bakarra.

-Lopez Jauregia:

Estilo neoklasikoko eraikuntza ederra, Lauko- zuzeneko dorre handi bat du erantsita kubu itxurako eraikuntza honek, apaingarri klasiko eta barrokoz jautzita dagoelarik.

                 San Antonio auzoko monumentuak

-San Migel dudeako baseliza:

Udalerriko baselizen artean interesgarriena dugu. Harri mokorrez egina, lau kantoikoa eta isurki biko egurrezko estalkiduna. Ezaugarri interesgarrienak: erromaniko estiloko leihoak, eta sarrerak, bata Ebangelio aldean (puntu erdiko arkua) eta bestea oinaldean (arruztai handiko arku puntaduna), Arkupeko zorua ere aipatzekoa da, bertan, teilapean, errekaharriz egindako zenbait dibuju geometriko agertzen direlarik.

HIRI ESKULTURA

Zornotzako hainbat lekutan eskulturak eta beste obra interesgarri batzuk ditugu.

Kalbario Gurutzea. 

Izen bera daraman plazatxoan dago. Haren inskripzioak dioen legez, Benita Zelaietaren kontura eraiki zuten.

Urgozo iturria. 

Bere garaian, ur-iturri garrantzitsua izan zen herrirako. Hiru aldiz lekualdatu dute, azkena biribilgunearen obrak direla-eta. Jatorrian, gaur egun Nagel-en eskultura dagoen lekuan zegoen.

Beste eskultura gehigarri batzuk:

Nagel eskultura

Konbenioko mahaia

Zubiondoko eskultura